وهكذا اجتمعت مصر ع قلب وعين وكلينكس رجل واحد وهكذا ماتت ماما نونا يا لهوتاااااي
كاتب الموضوع
رسالة
nona_ayes
عدد الرسائل : 18 المزاج : ok رقم العضوية : 3 تاريخ التسجيل : 18/03/2008
موضوع: وهكذا اجتمعت مصر ع قلب وعين وكلينكس رجل واحد وهكذا ماتت ماما نونا يا لهوتاااااي الجمعة 30 مايو 2008 - 1:52
لما كان للقمر ليله بكي فيها فقد كانت لمصر ليله عيطت ووأوأت واتشحتفت بالجامد قوووووي حيث اجتمعت كل طوائفها وشرائحها واجناسها النمارده منهم والطيبين ع قلب وعين وانف وكلينيكس رجل واحد في لحظه فارقه من واقعها وظرفها التاريخي الفريد المتفرد فاتحين في بكاء وعويل وذلك لاجل رحيل ماما نونا والمصير المجهول الذي ينتظر حماده عزو في سابقه نادرا ان تتكرر وحيث ان المصايب والبلاوي والايام السودا الي بنمر فيها وبتمر فينا دي كلها مهزتش في مصر شعره ولا زئتلها دمعه ولا نهدتلها تنهيده واحده كما فعلت فيها ماما نونا اذن ليه ما نستغلش الحدث ونستثمره ونعصره ع الاخر لاجل تسخين الجماهير ع حالهم الضنك طالما غاويين نعيط بأه ازاي ؟ قولتولي ازاي جزء تاني اه جزء تاني من حماده عزو قايم ع الفلاش باك حماده (النانوس) بيفتكر اصعب المواقف الي مرت بيه مع ماما نونا ويحكيها بدءا من الحلقه الاولي حيث ماما نونا مسافره الحج ع عباره اكمنها بتخاف من الطيارات وفأجه العباره غرقت بيها في عرض البحر ونعيش في القصه دي حلقتين وحماده يعيط والشعب يعيط وبعدين نجت في مركب صيادين ثم حلقه تانيه رايحه لزياره قرايبهم في الارياف وهم طبعا شغالين عمال ومدرسين وبيعملوا اعتصامات المهم مامانونا ركبت القطر فولع بيها وحماده يعيط والشعب يعيط وبرضه نجيت ويعيني ياليلي عملت حادثه بعديها بالعربيه ادت الي نقلها المستشفي وعملوا لها نقل دم ملوث وحالتها في خطر وحماده يعيط والشعب يعيط وبرضه خرجت زي الفل والدكتور نصحها تاكل كويس وتشرب سوايل وفأجاه تاني تخش المستشفي تاني طب ليه طيب الاكل ماله ده كمان كان عالي السعرات السرطانيه (هاي كالوري يعني) والميه اسم الله ع مقامكم كانت ميه صرف وحماده يعيط والشعب يعيط ويروح نانوس عين مامته يجيب لها دوا الكبد من الصيدليه ويتخانق ويعمل مشكله توديه القسم وضاعت منه البطاقه والموبيل وحتي كارت مناتيل وميعرفش يتصل بابنه الظابط فيعلقوه كالدبيحه في سلخانه القسم والظباط يتسلوا عليه بتصويره كليبات وبعدين يرموه في زنزانه ساقعه ضلمه وفي لحظه هنديه من نوعها يكتشف الابن ما حدث لبابه يا ولاد الـــــــــــــــــــــــــــــ تعملوا كدا في ابويا ويجري ويخرجه وطبعا حماده الجامد قووي يكرر اخدحقه فيلجأ الي جرنان مستقل ينشر ماحدث له وع اثر ذلك تخرج ماما نونا ونوال في مظاهرات فريده من نوعها وطبعا يظهر ان حماده خاين وعميل وقرروا جلده خمسين جلده في ميدان عام والي تفلت بخمسه وماما نونا تعيط والشعب يعيط بس خلاص الرقابه بقي هي الي موفقتش ع انه يتذاع لانها بتخاف ع الشعب من الزعل
وهكذا اجتمعت مصر ع قلب وعين وكلينكس رجل واحد وهكذا ماتت ماما نونا يا لهوتاااااي